Nú bý ég í Hafnarfirðinum, og hef búið þar alla mína æfi, sem þýðir að mjög tíð leið mín til næstu bæjarfélaga sé Reykjanesbrautin. Eins og glöggir vegfarendur og frétta unendur hafa án efa tekið eftir að verið er að tvöfalda veginn og framkvæmdir hafa nú staðið yfir í tæpt ár, ef ég man rétt, og kemur það mér ansi mikið á óvart hversu illa svæðið er merkt, þ.e.a.s. t.d. þá er maður að keyra á tvöföldum vegi en svo allt í einu mjókkar vegurinn og þú sérð enga viðvörun um það nema örfáum metrum áður en hann mjókkar eða þegar hann er búinn að mjókka, þetta er alveg stórhættulegt á seint á kvöldin og á nóttunni þegar maður hefur enga aðra umferð sér til viðmiðunar.  Maður þarf ekki að vera að keyra á óleglegum hraða til þess að vera næstum því búin að bomba á einhverskonar littla steypu veggi sem þeir eru búnir að raða þarna þétt upp að hvor öðrum.. hversvegna í óssköpunum eru þeir svona þétt raðaðir? Til þess að maður káli sér pottþétt ef maður skyldi ekki hafa tekið eftir skyltinu sem varar mann við hættu 5 metrum áður?
Það hefur því miður orðið banaslys í þessum framkvæmdum og spyr ég bara hvort þau eigi virkilega að verða fleiri?
Sjálf keyrði ég þarna seint um kvöld og var þó svo heppin að það voru í kringum 4 bílar stutt fyrir framan mig og nelgdu þeir allir skyndilega niður og fór ég þá á fullu að skima í kringum mig eftir útskýringu (lögreglu, skyltum eða einhverju í þá áttina), allt kom fyrir ekkert þangað til að þessi guli lági steinsteypi veggur blasir við mér í 70-80° gráðu beygju, ég negli niður og beygi skarpt eins og forverar mínir, með hjartað í buxunum óviss hvort ég ætti að bölva sjálfri mér eða lélegum aðvörunum því þetta hefði auðveldlega geta orðið mér að miklu tjóni og jafnvel dauða ef ekki hefði verið fyrir bílana sem gáfu mér örlitlar upplýsingar um hvað í vændum var.
Það er þó um tæpur mánuður síðan að þetta var þannig að það er búið að breyta þessu aftur og taka þessa beygju en þá var hún skyndilega komin fyrir stuttu bara þegar maður keyrir í hina áttina, sem betur fér uppgvötaði ég það um miðjann dag og umferðin var mikil, en ekki sé ég þó mikið af viðvörunum heldur, eins kaldhæðnislegt og það kann að hljóma þá sá ég viðvörunar skilti um mjókkun vegarinns eftir að hann hafði mjókkað.....
Vona að þessum framkvæmdum fari að ljúka og kannski að skiltum og ýmsum viðvörunum verði fjölgað þangað til.

Takk fyrir lesturinn og afsaka ef ég er að fara með rangt mál.

Nú get ég ekki beint sagt að ég hafi miklar staðreindir eða heimildir á bakvið mig þar sem þetta flaug bara í huga mér í vinnunni um daginn og þar sem ég vinn á kassa þá náttúrulega fljúga verð og tilboð í huga mínum alla daga og var það bara fyrir stuttu síðan þegar að ónefnd cola tegund var á tilboði hjá okkur eða 99kr. 2l. flaska og eru það stærstu umbúðir af þessari sort sem hægt er að versla sér út í búð á okkar ástkæra landi, hinsvegar þá kostar 2l af mjólk (einnig stærsta umbúð af þeirri sort, að ég best veit) kostar í kringum 125kr. og ekki hef ég orðið beint vör við nein rosa tilboð á blessaðri mjólkinni fyrir utan það þegar verið var að selja hana á krónu í einhverju samkeppnis rugli.
Sem sagt 2l cola = 99kr. 2l mjólk ~ 125kr. og nú hugsar eflaust einhver "þetta er nú ekki sanngjarnt, colað var á tilboði" nú? og hvað með það? ekki eins og það sé algeng sjón að sjá mjólk á tilboði, enda er hún nauðsynja vara, og enginn hagnaður í að bjóða gott verð á mjólk. Þá er það stór spurning hvort þetta sé virkilega ákjósanlegt? Er ekki einhver galli í landbúnaði hjá okkur Íslendingum eða erum við bara of treg?
Ekki misskylja mig og halda að ég sé að ýja að því að hækka verðið á gosi en þetta eru hálf sláandi tölur þó svo að þær séu ekki á beint áræðanlegum staðreindum né heimildum byggðar.

(tölur þessar hafa enga heimild á baki sér og mun búðin því verða ónefnd og biðst ég forláts ef ég fer með rangt mál)